Sprengjusveit Landhelgisgæslunnar var kölluð út í dag til aðstoðar lögreglunni á höfuðborgarsvæðinu eftir að hlutur sem leit út eins og jarðsprengja fannst í fjörunni á Álftanesi. Hluturinn reyndist vera hættulaus.
Útkall barst rétt fyrir klukkan 17 í dag en vinnu á vettvangi lauk rétt eftir klukkan 18. Samkvæmt heimildum mbl.is lokaði lögregla Álftanesvegi á meðan aðgerðin stóð yfir.