„Söfnin hefur staðið innan við viku og fór af stað án nokkurs undirbúnings. Við erum komin vel yfir 20 milljónir, sem er ótrúlegur árangur og áður óþekktur í sögu Hjálparstarfs kirkjunnar á þetta stuttum tíma,“ segir Hrafn Jökulsson, forsvarsmaður landsöfnunarinnar „Vinátta í verki“, vegna náttúruhamfaranna sem urðu 18. júní þegar flóðbylgja skall á þorpinu Nuugatsiaq á Grænlandi og olli miklu tjóni.
Skorað hefur verið á sveitarfélög landsins, fyrirtæki og einstaklinga að leggja söfnuninni lið.
Númer söfnunarreikningsins er 0334-26-056200, kennitala 450670-0499. Þá er hægt að hringja í 907 2003 og leggja þannig til 2.500 kr.