Útlit er fyrir að það verði mjög vætusamt á Suðausturlandi og Austfjörðum út vikuna með tilheyrandi vatnavöxtum.
Þetta kemur fram á vef Veðurstofu Íslands.
Minnkandi sunnanátt er spáð í dag með vætu, en þurrt á Norðurlandi fram á kvöld. Gengur í suðaustan 13-18 m/s á austanverðu landinu í kvöld með mikilli rigningu á Suðausturlandi og sunnanverðum Austfjörðum.
Hæg vestlæg átt og dálitlar skúrir vestan til á morgun. Áfram stíf sunnanátt og mikil rigning um landið suðaustanvert, en dregur heldur úr rigningu þar síðdegis á morgun.
Hiti 7 til 15 stig, hlýjast á Norðausturlandi.