Lögreglunni á höfuðborgarsvæðinu barst tilkynning rétt rúmlega sex í kvöld um að bifreið hefði verið ekið á vegg við Bakkasel í Breiðholti. Ökumaðurinn kom sér undan en skildi bifreiðina eftir á staðnum. Málið er í rannsókn hjá lögreglu.
Þá var ökumaður stöðvaður í akstri við Rofabæ í Árbænum rétt fyrir níu í kvöld og reyndist hann vera undir áhrifum fíkniefna. Hann var sviptur ökuréttindum á staðnum.