Stjórn Klakka ákvað í gær að mæla með því við hluthafa félagsins að fyrirhugaðar kaupaukagreiðslur, sem samþykkar voru á hluthafafundi síðastliðinn mánudag, verði dregnar til baka.
Ástæðan er hörð viðbrögð sem greiðslurnar hafa vakið hjá almenningi, fulltrúum verkalýðshreyfingarinnar og fleirum, að því er fram kemur í Morgunblaðinu í dag.
Stjórnin segist í yfirlýsingu hafa hlýtt á athugasemdir sem fram hafi komið vegna þessa máls og telji að óhjákvæmilegt sé að bregðast við til að skapa traust, enda sé það grundvöllur allra viðskipta.