Í vikunni var starfsfólki Heilsugæslunnar á höfuðborgarsvæðinu sem starfað hefur þar í 25 ár venju samkvæmt veitt viðurkenning.
Hún var listaverkið Eggið sem Kolbrún Björgólfsdóttir útbýr og hannar og á gripnum er svo mynd sem eiginmaður hennar, Magnús heitinn Kjartansson, gerði.
„Heilsugæslan er góður vinnustaður og starfsandinn fínn, þar sem ég þekki til,“ segir Ingrid Maria Svensson hjúkrunarfræðingur í Morgunblaðinu í dag en hún var ein þeirra kvenna sem viðurkenninguna fengu að þessu sinni.