Lilja Alfreðsdóttir, mennta- og menningarmálaráðherra, segist þess fullviss að strax á næsta ári muni virðisaukaskattur á bækur lækka.
Slíkar breytingar krefjist hins vegar ákveðins undirbúnings og af þeim sökum sé ekki gert ráð fyrir afnámi eða lækkun í fjárlagafrumvarpinu.
Ráðherra telur einnig að virðisaukaskattur á fjölmiðla og íslenska tónlist muni lækka, að því er fram kemur í umfjöllun um mál þetta í Morgunblaðinu í dag.