Icelandair flýgur nú á 23 áfangastaði í Bandaríkjunum og Kanada. Nýlega tilkynnti fyrirtækið að það hygðist fljúga til Baltimore, San Francisco og Kansas.
Með nýjustu viðbótinni hefur fyrirtækið skipað sér í hóp þeirra félaga sem fljúga á flesta áfangastaði vestanhafs. Raunar er það nú aðeins British Airways sem býður upp á fleiri áfangastaði í Bandaríkjunum og Kanada. Þá býður Lufthansa upp á 23 áfangastaði, jafnmarga og Icelandair.
Björgólfur Jóhannsson, forstjóri Icelandair Group, segir í viðtali við ViðskiptaMoggann í dag að félagið leiti enn nýrra áfangastaða og m.a. sé litið til þess að sækja dýpra inn á Evrópumarkað og jafnvel til Asíu einnig.