Vegagerðin varar við tjörublæðingum á veginum milli Jökulsárlóns og Hafnar í Hornafirði.
Á Suður- og Suðvesturlandi er hálka eða hálkublettir á flestum vegum. Snjóþekja og éljagangur er á Reykjanesbraut.
Á Vesturlandi er snjóþekja á vegum. Þæfingsfærð er í Hvammsfirði, í Svínadal, á Mýrum og á Laxárdalsheiði. Þungfært er á sunnanverðu Snæfellsnesi.
Á Vestfjörðum er hálka eða snjóþekja á vegum. Þæfingsfærð er á Steingrímsfjarðarheiði og í Ísafirði, þungfært er yfir Klettsháls og ófært yfir Þröskulda.
Á Norðurlandi er hálka eða snjóþekja á vegum, þó meiri snjóþekja vestan til.
Á Austurlandi er víðast greiðfært en hálka á nokkrum fjallvegum. Einnig er greiðfært með suð-austurströndinni suður í Öræfi en nokkur hálka eða hálkublettir þar fyrir vestan. Snjóþekja er á Fjarðarheiði.