Mikið um að vera á Barnamenningarhátíð

Barnamenningarhátíð stendur nú yfir og ljósmyndari mbl.is kíkti á það sem í boði var fyrir börnin í Reykjavík og Kópavogi.

Fjölmargt var á dagskránni, svo sem sirkussmiðja, hrollvekjusmiðja, japanskar grímur og forritun.

Þeir sem ekki gátu tekið þátt í gleðinni í dag þurfa ekki að örvænta, því nóg er á dagskrá Barnamenningarhátíðar á morgun, sunnudag. Þar má t.d. nefna fjölskyldujóga, sögustund, föndursmiðju, danspartý og tónleika bæði með Grétu Salóme og Aroni Hannes. Nánar má lesa um dagskrána hér.