Miklum verðmætum var stolið úr íbúðarhúsnæði á Suðurnesjum um helgina samkvæmt tilkynningu frá lögreglunni. Þar kemur fram að innbrotið átti sér stað á meðan húsráðandi var sofandi.
Þjófurinn komst undan með Macbook-fartölvu, Nicon-ljósmyndavél, tugþúsundir króna í reiðufé og ýmis verðmæt handverkfæri. Hinn óboðni næturgestur ákvað einnig að stela ökuskírteini húsráðanda og lyklum að tveimur bifreiðum. Þjófurinn lét þó bílana óhreyfða.
Málið er til rannsóknar hjá lögreglunni.