Útlit er fyrir ágætis veður á Menningarnótt í Reykjavík á laugardaginn, að sögn Haraldar Eiríkssonar veðurfræðings á Veðurstofunni.
„Spárnar gera ráð fyrir þurru og björtu veðri á laugardaginn. Það dregur ef til vill upp um kvöldið en þó verður alveg ágætis veður yfirleitt,“ segir Haraldur í samtali við Morgunblaðið.
Aðspurður segist hann vongóður um að spáin rætist. „Laugardagurinn gæti orðið einn af þessum fáu sólardögum í sumar,“ segir Haraldur léttur í lund.