Margrét Þórhildur Danadrottning mun færa Guðna Th. Jóhannessyni, forseta Íslands, prentaða útgáfu af dagbókum afa síns, Kristjáns X. Danakonungs, þegar hún heimsækir landið hinn 1. desember næstkomandi í tilefni af aldarafmæli fullveldisins.
Dagbækurnar eru um 500 þéttskrifaðar blaðsíður og varða samskipti Kristjáns við Íslendinga á árunum frá 1908, þegar hann var enn krónprins, til ársins 1932.
Kristján ríkti í Danmörku frá 1912 til ársins 1947, að því er fram kemur í umfjöllun um dagbækur hans í Morgunblaðinu í dag.