Veðurstofa Íslands varar við mikilli brennisteinslykt við Sólheimajökul og Jökulsá á Sólheimasandi. Er fólki ráðlagt að halda sig frá lægðum í landslagi og vera ekki nálægt jökulánni.
Í tilkynningu frá Veðurstofunni segir að mikil lykt sé nú við Sólheimajökul og Jökulsá á Sólheimasandi. Mjög hægur vindur er á svæðinu og verður næstu daga þannig að gas getur safnast fyrir í lægðum. Engar markverðar breytingar eru þó á vatna-, jarðskjálfta- eða gasmælum, að því er fram kemur í tilkynningunni.