Rafleiðni í Múlakvísl mælist enn há og mæld vatnshæð hefur hækkað lítillega í nótt. Sérfræðingar Veðurstofu Íslands munu fara yfir stöðuna og átta sig betur á umfangi hlaupsins þegar birtir.
Hlaup hófst í Múlakvísl í gær og náði hámarki um hádegi, en síðan dró úr vatnshæð.
Viðvörun hefur ekki verið gefin út vegna hlaupsins en Veðurstofan fylgist áfram með stöðu mála í dag og eflaust fara sérfræðingar á staðinn.