Þingfundur hefst kl. 14 í dag, en þá mun Katrín Jakobsdóttir forsætisráðherra gefa munnlega skýrslu um viðbrögð stjórnvalda við dómi Mannréttindadómstóls Evrópu.
Skýrsla Katrínar um málið er eini dagskrárliðurinn á Alþingi í dag og má búast við því að umræður þingmanna verði líflegar, enda var meirihluti Mannréttindadómstóls Evrópu harðorður í garð íslenskra stjórnvalda.
Ekki hefur komið fram hvernig íslensk stjórnvöld ætla nákvæmlega að bregðast við dóminum, að öðru leyti en því að ráðherrar hafa talað um að látið verði á það reyna hvort yfirdeild dómstólsins vilji taka málið upp.
Eins og fram hefur komið munu einungis 11 af 15 dómurum Landsréttar dæma í málum á næstunni.
Hægt er að fylgjast með útsendingu Alþingisrásarinnar hér að neðan.