Samningafundur Starfsgreinasambandsins og Samtaka atvinnulífsins er hafinn í húsnæði ríkissáttasemjara. Ekkert nýtt hafði borist frá SA fyrir fundinn, en viðbúið er að SGS slíti viðræðunum verði fundurinn árangurslaus.
„Við sjáum hvað gerist á fundinum,“ sagði Björn Snæbjörnsson við mbl.is fyrir fundinn.
Verði viðræðum slitið í dag fer undirbúningur í gang vegna verkfallsaðgerða.