Veitur hafa sent liðsauka norður í land þar sem RARIK og Landsnet vinna hörðum höndum við að koma flutningi og dreifingu rafmagns í samt lag eftir óveðrið undanfarna daga.
Fram kemur á vef Veitna að í nótt hafi verið ekið af stað með tvær varaaflsstöðvar sem framleiða rafmagn og verða tengdar inn á rafdreifikerfið á Dalvík.
Einnig fór loftlínufólk Veitna norður í morgun. Það mun aðstoða við að koma Dalvíkurlínu 1 í rekstur og þannig koma rafmagninu á Dalvík í lag.