Þrjú kórónuveirusmit greindust innanlands síðasta sólarhring, öll hjá sýkla- og veirufræðideild Landspítalans. Fjögur smit greindust við landamærin, tvö af þeim eru virk en mótefnamælingar er beðið í tveimur tilvikum.
Þetta kemur fram á vefnum covid.is.
581 sýni var tekið hjá sýkla- og veirufræðideild Landspítalans og 2.430 á landamærunum.
112 eru í einangrun með virk smit og 946 eru í sóttkví, 32 fleiri en í gær. Einn er á gjörgæslu en sá er á fertugsaldri eins og greint var frá í gær.