Framlínustarfsmenn og íbúar hjúkrunarheimila á Húsavík sem fengu bóluefni við Covid-19 í lok desembermánaðar fengu seinni bóluefnaskammtinn í gær og eru því komnir með fulla bólusetningu gegn Covid-19.

Þetta staðfestir Jón Helgi Björnsson, forstjóri Heilbrigðisstofnunar Norðurlands, í samtali við mbl.is.

Sambærileg bólusetning hefst á morgun á höfuðborgarsvæðinu.

Frétt af mbl.is

Ná auka skammti úr bóluefnaglösunum

Hann segir að almennt sé fólki létt. Það sé gott að vera búin að bólusetja viðkvæmasta hópinn og sömuleiðis þá starfsmenn sem voru í áhættuhópum.

„Nú er búið að bólusetja flesta á hjúkrunarheimilum þá er þarna tekinn út alveg verulegur áhættuþáttur,“ segir Jón Helgi.

Heilbrigðisstofnun Norðurlands er staðsett á Húsavík. mbl.is/Hafþór

Frekari bólusetning hefst í lok viku

Seinni bólusetningu hópsins á Húsavík er því nokkurn veginn lokið þó Jón Helgi segi að mögulega eigi nokkrir eftir að fá seinni skammtinn.

Meira bóluefni er væntanlegt til Húsavíkur á morgun, fimmtudag, þó slæmt veður gæti sett þá áætlun úr skorðum. Þá er ætlunin að bólusetja fólk á sambýlum, í heimahjúkrun og sömuleiðis einstaka framlínustarfsmenn og íbúa dvalar- og hjúkrunarheimila sem ekki fengu bólusetningu fyrir áramót.

Tengdar fréttir

Bólusetningar við Covid-19

„Það þarf að vinna mikinn fjölda upp“

• WHO: Bóluefni bjargað 1,4 milljónum mannslífa
• Bætur ef tjón verður af völdum bólusetningar
• „Flestar þessara aðgerða standast skoðun“
• Ósennilegt að bólusetning orsaki tíðavandamál

» Fleiri tengdar fréttir

• Blogga um frétt