„Þjóðhátíð“ í Laugardalshöllinni í dag
Gunnhildur Sif Oddsdóttir
Setja bókamerki
12.800 skammtar af bóluefni voru blandaðir í dag hjá Heilsugæslunni á höfuðborgarsvæðinu að sögn Ragnheiðar Óskar Erlendsdóttur, framkvæmdastjóra hjúkrunar hjá Heilsugæslu höfuðborgarsvæðisins. Dagurinn var því langstærsti bólusetningadagurinn til þessa.
Þegar blaðamaður mbl.is hafði samband var verið að bólusetja með síðustu skömmtunum og varð Ragnheiður að leggja frá sér símann í örfáar sekúndur til að framkvæma sína síðustu bólusetningu í dag.
Ragnheiður segir daginn í dag hafa verið risadag og að virkilega góður andi hafi verið í Laugardalshöllinni.
Þegar mest lét náði röð þeirra sem biðu eftir bólusetningu alla leið út á Suðurlandsbraut. Ragnheiður segir það orsakast af því að þegar lotuskipti verða í höllinni sé ekki hægt að taka neinn inn í húsið þar til það tæmist. Þá myndist miklar raðir en síðan flæði fólkið inn.
Djammfílingur
Ragnheiður segir bólusetninguna í dag hafa gengið ótrúlega vel. Það hafi verið mikið stuð og stemning í höllinni og Daddi diskó spilaði fyrir mannskapinn.
„Mér fannst þetta næstum því eins og maður væri bara á Þjóðhátíð,“ segir Ragnheiður og bætir við:
„Langt síðan allir náttúrulega hafa hist og aldrei neitt djamm í gangi þannig það var alveg svona djammfílingur.“
Gígbarmurinn hækkað frá því í gær
Banna mengandi búnað sem leyfður er á Íslandi
Skar höfuðleðrið af íslenskri konu
„Höfum ekki náð að skríða upp úr þeirri gryfju“
Skemmtiferðaskip hætt komið nærri Viðey
Krefjast stöðvunar framkvæmda
Væri að ljúga ef ég segðist ekki stressaður