Leggja til 200 þúsund króna foreldrastyrk
Setja bókamerki
Sjálfstæðisflokkurinn mun leggja fram tillögu á fundi borgarstjórnar á þriðjudag þess efnis að greiddur verði 200 þúsund króna foreldrastyrkur mánaðarlega til þeirra foreldra sem annað hvort þurfa eða kjósa að vera heima með börn sín að fæðingarorlofi loknu.
Styrkurinn yrði greiddur foreldrum barna á aldrinum tólf mánaða til allt að tveggja ára.
Tillagan er sett fram í ljósi skorts á leikskólaplássi í borginni en í tillögunni segir að tæplega þúsund börn séu nú föst á biðlistum.
„Það er mikilvægt að brúa bilið milli fæðingarorlofs og leikskóla. Ríkið hefur brugðist við því ákalli með lengingu fæðingarorlofs en Reykjavíkurborg hefur ekki tekist að sinna sínu hlutverki – að tryggja leikskólapláss strax í kjölfar orlofs. Það er mikilvægt að mæta stöðunni með fjölbreyttum lausnum enda þarfir fjölskyldna fjölbreytilegar,“ segir í tillögunni.
Þá segir að foreldrastyrkurinn sé ein leið til að mæta þörfum fjölskyldufólks í Reykjavík.
Shakespeare fannst í skókassa
Kostnaður meiri en milljón á fermetra
Tveir í bílnum sem lenti utan vegar
Vélsleðaslys: Þyrlan kölluð út á mesta forgangi
„Það þarf að vinna mikinn fjölda upp“
Skiptir miklu meira máli en fólk grunar
Sex hafa greinst með listeríu
Telur forsendur fyrir vaxtalækkun