Einn tippari úr Vestmannaeyjum var með alla 13 leikina rétta á sunnudagsseðlinum í getraunum helgarinnar. Fær hann 4,5 milljónir í sinn hlut, en sami spilari var einnig með alla 13 rétta á sunnudagsseðlinum fyrir tæpu ári síðan. Hlaut hann þá 12,8 milljónir í sinn hlut. Þetta kemur fram í tilkynningu frá Íslenskum getraunum.
Þá er jafnframt tekið fram að tipparinn hafi ekki notað stór kerfi í getspá sinni, heldur hafi hann verið með tvö merki á sex leiki og eitt merki á sjö leiki. Það gera samtals 64 raðir og er miðinn á rúmlega 800 krónur.