Fundur fimm forsetaframbjóðenda var haldinn á Græna hattinum á Akureyri í gærkvöldi. Um hundrað manns mættu til þess að hlýða á frambjóðendur og spyrja þau spjörunum úr.
Til Akureyrar mættu Ásdís Rán Gunnarsdóttir, Ástþór Magnússon, Helga Þórisdóttir, Steinunn Ólína Þorsteinsdóttir og Viktor Traustason.
Þegar helstu umræðum lauk var gripið í gítar og spilaði Finnur Oddsson gítarleikari undir er frambjóðendur sungu „Heyr mína bæn“ við mikinn fögnuð gesta.