Úrvalsdeildarlið Víkings í knattspyrnu karla hefur framlengt samninga sína við tvo leikmenn liðsins, þá Alan Lowing og Vladimir Tufegdzic. Þeir eru nú báðir samningsbundnir út árið 2018. Þetta kom fram á heimasíðu félagsins í dag.
„Þetta er stór liður í áframhaldandi uppbyggingu knattspyrnunnar í Fossvogi og ríkir mikil ánægja meðal Víkinga með framlag þeirra til félagsins“ segir á vef félagsins í dag.
Alan Lowing hefur leikið sex ár á Íslandi, fyrst með fram en síðustu þrjú árin hefur kappinn leikið með Víkingum en hann á alls 128 leiki í deild og bikar hér á landi.
Vladimir Tufegdzic gekk í raðir Víkinga í fyrra frá Serbíu og hefur leikið 28 leiki í deild og bikar og skorað í þeim níu mörk.