Knattspyrnudómarinn Þorvaldur Árnason mun dæma leik í deildarkeppni Sádi-Arabíu á laugardaginn og verður fyrsti íslenski dómarinn sem dæmir deildarleik á þessum slóðum.
Þorvaldur mun dæma viðureign Al Batin og Al Tawon, en leikurinn fer fram í borginni Hafar Al-Batin sem er í norðausturhluta landsins, um 75 kílómetra frá landamærunum við Írak.
Þorvaldi til aðstoðar verða þeir Jóhann Gunnar Guðmundsson og Gylfi Már Sigurðsson.