Daði Ólafsson og Hákon Ingi Jónsson hafa skrifað undir nýjan samning við knattspyrnudeild Fylkis en þetta kemur fram í fréttatilkynningu sem barst fjölmiðlum í morgun.
Daði, sem er 24 ára gamall bakvörður, er uppalinn í Fylki og hefur spilað 58 leiki fyrir félagið og skorað fjögur mörk. Samningur Daða gildir út tímabilið 2020.
Hákon, sem er 23 ára gamall sóknarmaður, á 90 leiki í deild og bikar fyrir Fylki og skorað í þeim 24 mörk. Samningur Hákons gildir út tímabilið 2021.