Katrín Ómarsdóttir, miðjumaðurinn reyndi úr KR, var besti leikmaðurinn í Pepsi-deild kvenna 2018, í hópi þeirra sem eru fæddar árið 1989 og fyrr, samkvæmt einkunnagjöf Morgunblaðsins.
Katrín var afgerandi best í þessum hópi með 12 M en Harpa Þorsteinsdóttir kemur næst á eftir henni með 9 M. Harpa missti af fimm leikjum eftir að hafa slitið krossband og Katrín missti af þremur leikjum vegna meiðsla þannig að þær hefðu hæglega getað blandað sér í baráttuna meðal þeirra allra bestu í deildinni.
Tvær aðrar í liðinu misstu mikið úr, Rílaný Silva lék aðeins fyrstu 9 leiki Grindavíkur og Dóra María Lárusdóttir var ekki með í fyrstu sex leikjum Vals.
Sjá heildarniðurstöðuna í M-gjöf Morgunblaðsins 2018 og val á liði ársins, úrvalsliði erlendra leikmanna, úrvalsliði ungra leikmanna, úrvalsliði eldri leikmanna og fimm bestu leikmenn í hverju liði Pepsi-deildar kvenna 2018 í íþróttablaði Morgunblaðsins í dag