Framherjinn Elfar Árni Aðalsteinsson hefur skrifað undir nýjan tveggja ára samning við KA en Húsvíkingurinn hefur leikið með Akureyrarliðinu frá árinu 2015.
Elfar Árni hefur skorað 39 mörk í 93 leikjum með KA í deild og bikar en hann skoraði 5 mörk í 21 leik í Pepsi-deildinni á síðustu leiktíð.
Elfar kom til KA frá Breiðabliki sem hann lék með í þrjú ár en hann er uppalinn hjá Völsungi á Húsavík.