Vilhjálmur Alvar Þórarinsson fer fyrir íslenskum dómarakvartett sem sér um dómgæslu á leik í undankeppni Evrópumóts karla í knattspyrnu á laugardaginn kemur.
Fjórmenningarnir fara til Möltu og dæma leik heimamanna gegn Færeyingum, en þessar þjóðir eru í F-riðli undankeppninnar ásamt Spáni, Svíþjóð, Noregi og Rúmeníu.
Gylfi Már Sigurðsson og Birkir Sigurðarson verða aðstoðardómarar og fjórði dómari verður Ívar Orri Kristjánsson.