Íþróttir | Enski boltinn | mbl | 27.3.2017 | 13:55

Stuðningsmenn Newcastle spenntir fyrir Gylfa

Gylfi Þór Sigurðsson. AFP

Stuðningsmenn Newcastle taka vel í þær fréttir að félagið hafi augastað á Gylfa Þór Sigurðssyni en enskir fjölmiðlar greindu frá því fyrst í gærkvöld að Rafael Benítez, stjóri Newcastle, vilji fá íslenska landsliðsmanninn í sínar raðir.

Það stefnir í harðan slag liða um að fá Gylfa frá Swansea í sumar en á undanförnum dögum og vikum hefur hann verið orðaður við lið eins Everton, West Ham, Southampton og nú Newcastle sem freistar þess að vinna sér sæti í ensku úrvalsdeildinni í vor.

Gylfi hefur átt skínandi gott tímabil með Swansea. Hann hefur skorað 9 mörk og hefur lagt upp flest mörk allra í deildinni eða 11 talsins. Hann gerði nýjan fjögurra ára samning við Swansea eftir Evrópumótið í Frakklandi síðastliðið sumar.

Hér má sjá nokkrrar twitter færslur frá stuðningsmönnum Newcastle.

I would be over the moon if Newcastle signed Gylfi Sigurdsson. I think they would have to double the rumoured 15m though. #nufc #scfc
— Chris Wood (@Woody1983) March 27, 2017

Sigurdsson is the type of player I really thought Siem De Jong was going to be for us. He's exactly the kind of player we'd need #nufc
— NUFC Sense (@nufcsense) March 27, 2017

Sigurdsson to Newcastle? This is the problem with our club, so many are getting ahead of themselves! #NUFC
— Ian Rawlings (@ianrawlingsnufc) March 27, 2017