Stuðningsmenn Liverpool voru margir hverjir afar ósáttir við Frakkann Mamadou Sakho, leikmann liðsins sem leikur á láni hjá Crystal Palace, sem vann Liverpool í ensku úrvalsdeildinni í knattspyrnu í gær.
Christian Benteke sá um að loka leiknum fyrir Crystal Palace gegn sínum gömlu félögum og er hann jafnaði metin í 1:1 eftir að Philippe Coutinho hafði komið Liverpool yfir, fór hann til Sakho og fögnuðu fyrrverandi Liverpool-félagarnir saman, gegn Liverpool.
„Ég myndi glaður klæðast Liverpool-treyjunni,” sagði Sakho fyrr í þessum mánuði en hann hefur ekki leikið með liðinu í 12 mánuði. Nú virðist pressan frá stuðningsmönnum liðsins á Jürgen Klopp, stjóra liðsins, sem tók á endanum ákvörðunina um að Frakkinn ætti ekki afturkvæmt, vera minni.
Sjá frétt mbl.is: „Ég hefði átt að fara eftir reglunum“
Myndskeið af atvikinu má sjá hér að neðan.
Mamadou Sakho, current on loan at Palace from Liverpool, celebrates Benteke's goal against Liverpool. Priceless. 😂😂😂 pic.twitter.com/HxlIzOMBNp
— Lisa Johnson (@girlmanutd) April 23, 2017
'Sakho shouldn't be taking part in celebrations like that. Foolish and disrespectful' blasts @JamesPearceEcho https://t.co/AX5PytAj9x pic.twitter.com/JKTPVxqxfU
— Liverpool FC News (@LivEchoLFC) April 23, 2017