Fari svo að Gylfi Þór Sigurðsson verði seldur frá Swansea til Everton fyrir 50 milljónir punda munu ekki bara Breiðablik, FH, Reading og Hoffenheim koma til með að hagnast á þeim félagaskiptum.
Breska blaðið Times greinir frá því að þegar Tottenham seldi Gylfa til Swansea fyrir þremur árum voru sett inn ákvæði í samninginn um að Tottenham fengi 10% af andvirði næstu sölu á leikmanninum. Tottenham mun því fá 5 milljónir punda en sú upphæð jafngildir 683 milljónum króna.