Jóhann og félagar áfram í deildabikarnum

Jóhann Berg Guðmundsson spilaði síðustu 12 mínúturnar í 2:0-útisigri Burnley á C-deildarliði Blackburn í enska deildabikarnum í knattspyrnu í kvöld. Jack Cork og Robbie Brady skoruðu mörk Burnley. 

West Ham hafði betur gegn Cheltenham á útivelli, 2:0, Huddersfield vann Rotherham, 2:1 á heimavelli, Wolves vann Southampton á útvelli, 2:0, og Stoke hafði betur gegn Rochdale á heimvelli sínum, 4:0. 

Newcastle er svo úr leik eftir nokkuð óvænt tap gegn Nottingham Forest á heimavelli sínum, 3:2 eftir framlengdan leik. 

Dregið verður í þriðju umferð keppninnar í nótt og verða öll stærstu liðin á Englandi í pottinum. 

• Blogga um frétt