Brighton vann óvæntan en ansi öruggan 3:0-útisigur á West Ham í eina leik kvöldsins í ensku úrvalsdeildinni í knattspyrnu í kvöld.
Glenn Murray kom Brighton yfir á 10. mínútu og José Izquierdo bætti við öðru markinu rétt fyrir leikhlé. Murray skoraði sitt annað mark úr vítaspyrnu á 75. mínútu og þar við sat.
Brighton fór upp í 10. sæti með sigrinum þar sem liðið er með 11 stig. West Ham er í 17. sæti með aðeins átta stig.