Chelsea hefur náð samkomulagi við Real Madrid um kaup á króatíska miðjumanninum Mateo Kovacic, sem var í láni hjá Lundúnaliðinu á síðustu leiktíð. Enskir fjölmiðlar greina frá þessu í morgun.
Kovacic lék 51 leik með Chelsea á síðustu leiktíð og er talið að Chelsea greiði Real Madrid um 45 milljónir punda fyrir leikmanninn.
Chelsea má ekki kaupa leikmenn í næstu tveimur félagaskiptagluggum en liðinu er heimilt að kaupa Króatann þar sem hann var í láni hjá félaginu.