Spænski bakvörðurinn Álvaro Fernández, sem er í eigu Manchester United, er á förum frá félaginu og til Benfica.
Fernández gekk í raðir Manchester United árið 2018 og lék þá með unglingaliði félagsins. Fór hann á lán til Preston og svo Granada áður en hann endaði hjá Benfica í janúar í fyrra.
Þar hefur hann staðið sig vel og portúgalska liðið ákveðið að kaupa hann fyrir sjö milljónir evra.