Marouane Fellaini, leikmaður Manchester United, skoraði tvö af mörkum Belga sem burstuðu Kýpurbúa, 5:0, í undankeppni EM í knattspyrnu í kvöld.
Belgar réðu lögum of lofum en staðan eftir fyrri hálfleikinn var, 2:0. Fellaini skoraði tvö mörk eins og áður segir og þeir Cristian Benteke, Eden Hazard og Michy Batshuayi skoruðu sitt markið hver.
Í Andorra fögnuðu Bosníumenn 3:0 sigri þar sem Edin Dzeko leikmaður Manchester City skoraði öll mörkin.
Wales er efst í riðlinum með 11 stig, Ísrael er með 9, Belgía 8, Kýpur 6, Bosnía 5 og Andorra er án stiga.