Kári Árnason, landsliðsmiðvörður í knattspyrnu, er enn fjarri góðu gamni eftir að hafa brákað rifbein í leik með Omonia Nicosia á Kýpur um fyrri helgi.
Kári er ekki í leikmannahópi Omonia fyrir seinni leik liðsins gegn Apollon Limassol í átta liða úrslitum bikarkeppninnar sem fram fer í dag og það verður því þriðji leikurinn sem hann missir af.
Ísland mætir Kósóvó í undankeppni HM eftir einn mánuð og það eru því enn ágætar líkur á að Kári verði með í þeim leik. vs@mbl.is