Landsliðskonan Glódís Perla Viggósdóttir spilaði allan leikinn fyrir Eskilstuna sem vann Kvarnsveden, 4:1, í sænsku A-deildinni í knattspyrnu í dag. Glódís lagði upp fyrsta mark leiksins en það skoraði Mimmi Larsson.
Olivia Schough skoraði annað mark Eskilstuna áður en Mimmi Larsson bætti við tveimur mörkum og fullkomnaði þrennu sína.
Eskilstuna er á toppi deildarinnar með 19 stig eftir sjö leiki, einu stigi meira en Linköping.