Hayward fótbrotnaði í sínum fyrsta leik

Gordon Hayward, leikmaður Boston Celtics, liggur fótbrotinn á vellinum.
Gordon Hayward, leikmaður Boston Celtics, liggur fótbrotinn á vellinum. AFP

Framherjinn Gordon Hayward sem gekk til liðs við Boston Celtics í sumar eftir að hafa leikið með Utah Jazz undanfarin sjö ár ökklabrotnaði eftir einungis fimm mínútur í sínum fyrsta leik með nýja liðinu sínu í nótt.  

Hayward var á leiðinni í sniðskot þegar hann lenti í árekstri við LeBron James og lenti illa á fótleggnum. Hayward fór úr ökklalið og hlaut þar að auki opið beinbrot og verður frá keppni í þó nokkurn tíma. Þetta mikið áfall fyrir Boston Celtics sem gerði miklar væntingar til Hayward. 

mbl.is
Fleira áhugavert
Fleira áhugavert