Sara bikarmeistari - myndasyrpa

Sara Björk Gunn­ars­dótt­ir er þýsk­ur bikar­meist­ari í annað skipti eft­ir 3:2-sig­ur Wolfs­burg á Bayern München í víta­keppni í Köln í gær að viðstödd­um 17.692 áhorf­end­um eins og sagt var frá í gær.

Staðan eft­ir venju­leg­an leiktíma var marka­laus og því þurfti að fram­lengja. Ekki tókst að skilja liðin að í fram­leng­ing­unni og fór leik­ur­inn því alla leið í víta­spyrnu­keppni. Sara Björk lék all­an leik­inn en tók ekki víti fyr­ir sitt lið.

Það vantaði ekki upp á gleðina og fögnuð hjá Söru og stöllum hennar sem hafa unnið tvöfalt, deild og bikar. Wolfsburg mætir svo Lyon í úrslitaleik Meistaradeildar Evrópu á fimmtudaginn kemur. Meðfylgjandi myndir birtust á Facebook-síðum Söru og Wolfsburg.