Stjarnan fer í stutta ferð til Kaupmannahafnar en FH-ingar leggja land undir fót og fara til Ísraels. Það er niðurstaðan eftir að liðin komust bæði í 2. umferð Evrópudeildar UEFA í fótbolta í gærkvöld.
Stjörnumenn byrja á heimavelli gegn danska félaginu FC Köbenhavn en liðin mætast í Garðabæ í næstu viku og á Parken í dönsku höfuðborginni viku síðar.
Danirnir lentu í miklum vandræðum með KuPS Kuopio frá Finnlandi í gærkvöld, þrátt fyrir að hafa unnið fyrri leikinn á útivelli, 1:0. Finnarnir komust yfir á 75. mínútu og útlit var fyrir framlengingu. FCK fékk vítaspyrnu og úr henni jafnaði Denis Vavaro, 1:1, sem dugði danska liðinu.
Sjáðu greinina um næstu andstæðinga FH og Stjörnunnar í heild sinni í íþróttablaði Morgunblaðsins í dag.