Kylian Mbappé og Edinson Cavani skoruðu báðir þrennur í 9:0 sigri frönsku meistaranna í Paris SG þegar þeir tóku á móti Guingamp í frönsku 1. deildinni í knattspyrnu í gærkvöld.
Á dögunum sló Guingamp Parísarliðið út úr átta liða úrslitum frönsku deildabikarkeppninnar með 2:1 sigri en þess taps var svo sannarlega hefnt að hálfu Paris SG í gær og um leið setti liðið nýtt met.
Neymar skoraði tvö mörk í leiknum og Thomas Meunier skoraði níunda markið. Með sigrinum náði Paris SG 13 stiga forskoti á toppi deildarinnar og er Mbappé markahæstur í deildinni með 17 mörk.