Marokkóinn Azzedine Ounahi er genginn til liðs við franska knattspyrnufélagið Marseille frá Angers.
Ounahi er 22 ára gamall miðjumaður sem gerði garðinn frægan á heimsmeistaramótinu í Katar undir lok síðasta árs. Þar hjálpaði hann Marokkó að verða fyrsta Afríkuþjóð sögunnar til að komast í undanúrslit HM og var lykilmaður.
Ounahi vakti athygli margra félaga, þar á meðal Barcelona. En nú er ljóst að vonarstjarna Marokkó færi sig yfir til Marseille og hefur skrifað undir samning til ársins 2027 hjá franska stórveldinu.
Marseille er sem stendur í þriðja sæti frönsku 1. deildarinnar með 43 stig.