Real Madrid minnkaði forskot Barcelona í fimm stig á toppi spænsku 1. deildarinnar í knattspyrnu með sigri gegn Sevilla í Madrid í kvöld.
Staðan að loknum fyrri hálfleik var markalaus en Marco Asensio kom Real Madrid yfir með marki á 52. mínútu.
Vinícius Júnior tvöfaldaði forystu Real Madrid á 54. mínútu og Real Madrid fagnaði sigri, 2:0.
Real Madrid er með 45 stig í öðru sæti deildarinnar, fimm stigum minna en topplið Barcelona sem er með 50 stig.