Bayern München vann Wolfsburg, 1:0, í toppslag þýsku 1. deildar kvenna í fótbolta í München í dag.
Glódís Perla Viggósdóttir lék allan leikinn í vörn Bæjara en Sveindís Jane Jónsdóttir kom inná á 59. mínútu fyrir Wolfsburg. Karólína Lea Vilhjálmsdóttir sat allan tímann á varamannabekk Bayern og Cecilía Rán Rúnarsdóttir var ekki í leikmannahópnum.
Sigurmakið skoraði Englendingurinn Georgia Stanway á 83. mínútu úr vítaspyrnu.
Bayern er nú komið í toppsæti þýsku deildarinnar með 43 stig, einu meira en Wolfsburg sem er í öðru.