Sirius og Gautaborg skildu jöfn, 2:2, í sænsku úrvalsdeildinni í fótbolta á heimavelli fyrrnefnda liðsins í kvöld.
Kolbeinn Þórðarson lék allan leikinn með Gautaborg og lagði upp annað mark liðsins er það jafnaði í 2:2. Markvörðurinn Adam Ingi Benediktsson var allan tímann á bekknum.
Kalmar og Norrköping skildu einnig jöfn, 1:1, í Kalmar. Arnór Ingvi Traustason lék allan leikinn með Norrköping en Ísak Andri Sigurgeirsson var allan tímann á bekknum.
Daniel Tristan Guðjohnsen var ekki með Malmö er liðið vann GAIS á heimavelli, 1:0. Daniel hefur verið lengi frá vegna meiðsla.
Standings provided by
<a href="https://www.sofascore.com/" target="_blank">Sofascore</a>