Hollenska stórveldið Ajax hefur ráðið Ítalann Francesco Farioli í starf knattspyrnustjóra karlaliðsins. Skrifaði Farioli undir samning sem gildir til sumarsins 2027.
Farioli, sem er 35 ára gamall, stýrði síðast liði Nice í frönsku 1. deildinni og hafði áður stýrt liðum Alanyaspor og Fatih Karagümrük í Tyrklandi.
Hann verður fyrsti Ítalinn sem stýrir Ajax, sem átti vonbrigðatímabil og hafnaði í fimmta sæti hollensku úrvalsdeildarinnar.
Hinn tvítugi Kristian Nökkvi Hlynsson er leikmaður Ajax.