Hin 18 ára gamla Katie Ledecky frá Bandaríkjunum bætti í dag eigið heimsmet í 1.500 metra skriðsundi í undanúrslitum á heimsmeistaramótinu í sundi sem fram fer í Kazan í Rússlandi.
Ledecky bætti einnig heimsmetið í greininni í undanrásum í gærmorgun þegar tími hennar var 15.27,71 mínútur og bætti hún heimsmetið þá um rúma eina sekúndu. Tími hennar í úrslitunum í dag var 15:25,48 mínútur sem skilaði henni gullinu og nýju heimsmeti.
Þetta er í níunda sinn sem Ledecky setur heimsmet og í fimmta skipti sem hún gerir það í 1500 metra skriðsundi. Hún á einnig heimsmetin í 400 og 800 metra skriðsundi.
Á meðfylgjandi myndskeiði má sjá lokasprettinn hjá Ledecky og þegar hún kom í bakkann á nýju heimsmeti.
World Record again US @katieledecky with 15:25.48 in 1500m at @finakazan2015 Amazing girl!!! Video @MariaPiaBeltra2 pic.twitter.com/OU29oERgOY
— AIPS (@AIPSmedia) August 4, 2015